Magisteritza ikastera abiatu nintzenean nire inguruko jendeak ideia ona ez zela baino ez zidan esaten. Erabaki hau hartzeak "Gehiagorako balio duzu" edo "Azkar frustratuko zara" bezalak esaldiak behin eta berriro entzuteak dakar. Irakaskuntzarekin erlazionatutako ezagunekin hitz egitean ezkortasuna baino ez dut topatu, ogibide honen inguruko dramak eta penuriak. Alde batetik Kultura mediterraneoak dakarren kexatzeko ohitura edo irakasle eskoletatik eskolen egoerara dagoen tarte itzela izango da. Bestetik hezkuntza sistema honek irakasteko moldeak apurtzeko eta alternatibak sortzeko zurruntasuna dugu: Espedienteak, irakasle frustratuak, hezkuntza komunitatearen batasun gutxi. Zurruntasun honi alternatiba bilatzerakoan irakasleen arteko komunikazioa, eskola komunitatearen solidaritatea eta batasuna dugu, baina botere politikoak hezkuntza merkatu kapitalisten legeetara saltzen duen bitartean ezingo da ezer egin.